Talaba telefoni kun bo'yi ishlaydi: darsda eslatma, yo'lda musiqa, kutubxonada hujjat, kechqurun video. Shu sababli unga qo'yiladigan talablar kattalarnikidan boshqacha.
Eng muhimi — batareya
Rozetka doim qo'l ostida bo'lmaydi. 5000 mA/soat va undan yuqori sig'im hamda tez quvvatlash — bu yerda eng foydali ikkita xususiyat. Tanaffusda 20 daqiqa quvvatlab, kunni yopish imkoni ko'p narsani hal qiladi.
Keyin — xotira
Ma'ruza suratlari, PDF darsliklar, video — bular tez to'planadi. 128 GB minimum; agar imkon bo'lsa 256 GB. 64 GB bir semestrda to'ladi.
Ekran
Ko'p o'qiladigan bo'lsa, ekran o'lchami 6,5 dyuymdan kichik bo'lmagani qulay. Yorqinlik ham muhim — ko'chada va auditoriyada o'qish kerak bo'ladi.
Mustahkamlik
Telefon sumkada, cho'ntakda, stolda — tushish ehtimoli yuqori. Himoya oynasi va burchagi qalinlashtirilgan g'ilofni birinchi kundan oling. Bu telefonning o'zidan ancha arzon va ekran almashtirishdan necha barobar tejaydi.
Nimaga pul sarflamaslik mumkin
- Uchtadan ortiq kamera — qo'shimchalari odatda bezak;
- 12 GB RAM — 8 GB yetarlidan ko'p;
- Eng yangi flagman protsessor — kundalik ishlarda sezilmaydi;
- Katta xotira plus xotira kartasi — ikkalasiga birdan to'lash shart emas.
Byudjetni yengillashtirish
Ikki yo'l bor: eski telefonni topshirish va bo'lib to'lash. Talaba uchun ikkinchisi ayniqsa qulay — oylik to'lov stipendiya yoki yarim kunlik ishdan chiqadigan summaga mos keladi. Lekin umumiy summaga qarashni unutmang: muddat uzun bo'lsa, ortiqcha to'lov ham ko'p bo'ladi.
Qisqacha ro'yxat
- Batareya 5000 mA/soatdan;
- Quvvatlash 33 vattdan;
- Xotira 128 GB dan;
- RAM 6-8 GB;
- Himoya oynasi va g'ilof — majburiy.
Shu talablarga mos modellarni narxlar jadvalidan tanlashingiz mumkin — xotira va narx bo'yicha filtrlab ko'ring.
