Do'konda eng ko'p eshitiladigan savol shu: «3 millionga nima bor?». Javob yildan-yilga yaxshilanmoqda — bu oraliq endi «arzon telefon» emas, balki haqiqiy ishchi qurilma segmenti.
Bu byudjetda nimani kutish mumkin
- Xotira: 8/128 GB yoki 8/256 GB — ikkalasi ham uchraydi;
- Batareya: 5000 mA/soat, ba'zi modellarda 6000 va undan yuqori;
- Ekran: 90 yoki 120 Gts, ko'pincha IPS, ba'zan AMOLED;
- Quvvatlash: 33-45 vatt;
- Kamera: kunduzi yaxshi, kechqurun o'rtacha.
Nimadan voz kechishga to'g'ri keladi
Bu narxda odatda optik stabilizatsiya, yuqori darajali protsessor va suvdan to'liq himoya bo'lmaydi. Agar siz telefonda og'ir o'yin o'ynamasangiz va professional suratga olmasangiz — bularning birortasi kundalik hayotda sezilmaydi.
Qaysi brendlarga qarash kerak
Bu segmentda eng kuchli raqobat Honor, Xiaomi (Redmi va Poco liniyalari), Tecno va Infinix o'rtasida. Samsung ning Galaxy A seriyasi ham shu oraliqqa tushadi — u ko'proq uzoq muddatli dasturiy yangilanish va xizmat ko'rsatish tarmog'i bilan ajralib turadi.
Qisqa yo'riqnoma
- Batareya birinchi o'rinda — Tecno va Infinix modellariga qarang;
- Muvozanat kerak — Honor va Redmi;
- Uzoq yangilanish va qayta sotish qiymati — Samsung.
Byudjetni biroz cho'zish mumkinmi
Ha — eski telefoningizni topshirish orqali. Ishlab turgan qurilmani baholaymiz va farqini to'lab, bir pog'ona yuqori modelga chiqishingiz mumkin. Ikkinchi yo'l — bo'lib to'lash: 24 oygacha, bir nechta nasiya tashkiloti bilan.
Bugungi narxlar
Bu oraliqdagi barcha modellarni narxlar jadvalida ko'rishingiz mumkin — ro'yxat kunlik yangilanadi, shuning uchun maqoladagi emas, o'sha yerdagi raqamga ishoning. Termizdagi do'konimizga kirsangiz, bir nechtasini yonma-yon ushlab ko'rasiz — qog'ozdagi xarakteristikadan ko'ra shu foydaliroq.
